Transcription
1
Monsieur au retour du cappitaine Arnaud jay receu deux lettres
2
quil vous a pleu mescripre, et veu par icelles toutes les
3
nouvelles qu’avés receu de monsieur d’Evènes et aultres
4
lieux, lesquelles je vous mercye très humblement comme
5
aussi je fois de la bonne souvenance quil vous plect avoyr de moy.
6
Je suis grandement marry que ma santé ne ma permis
7
de vous aller trover tant pour le desir que jay de vous
8veoir [barré : tant ] comme aussi pour vous acompagner à votre voyage
9
de Lyon, mès le devoement que jay heu ses jours passés
10
ma causé une grande lasseur avec ce que je lay heu telle
11
tout lesté que au lieu de vous y fere service, je ne vous
12
y ferès que donner que ennuy. Jay receu ce jourdhuy une
13
lettre dung soldard que je tiens au Char pour y tenir ma
14
porte fermée pendant que les choses sont en ces troubles,
15
par laquelle il madvertit que ceux du Gapenssès et
16
de Triefves se assemblent comme vous verrés par ladite
17
lettre. Les volleurs qui ont demeuré dessa si long temps
18
ne font volleries justement que pour vivre, qui me faict
19
pensser quilz sont là pour aultre dessaing. Sil vous plaisoyt
20
y envoyer monsieur de Merieu avec de forces, il en purgeroit
21
le païs et pourroyent entendre leursdits dessaings que je
22
pence nestre aultres que pour sen aller en troupe ou bien
23
pour se fortiffier à Mens, ce qu’on pourroyt empescher y
24
faisant abastre deux encogneures quil y a. Je y ay
25
envoyé le cappitaine Arnaud pour en scavoir des nouvelles,
26
lesquelles si elles sont dignes de vous escripre Je ne
27
[v°] faudray de ce fère. Monsieur Gentil est ce jourdhuy arrivé icy,
28
qui vient de ce païs là, qui vous pourra advertir plus
29
particullierement des choses comme elles y passent quy me
30
fera finir la presente par vous suplier de me tenir tousjours
31
pour lung de vous plus humbles serviteurs qui sallue vous
32
bonnes graces de mes bien humbles et affectionée recommandations
33
comme aussi faict madame de La Motte. Je prie le createur
34
vous donner
35
monsieur en bonne santé et prospérité très longue et heureue vye.
36
De La Motte, ce VIe ottobre 1572
37
votre très humble et obéissant serviteur
38
La Mote Verdeyer
39
40